CERPEN JONEGOROAN : That’s The Way Ahak Ahak…!!!

BOJONEGORO.Zamane asu gak enak, aku isih sekolah neng bangku SMPN 2 Jonegoro. Aku naksir koncoku sing uayu banget tur semok. Jian nggemesi banget. Deweke njungok neng krosi paling ngarep, lha aku njungok neng krosi paling mbuncit. Ayune pancen ngedap-edapi tenan.Kulite putih,irungi mbangir,matane plerak-plerok koyo sentir kanginan, jungkatane rapi.Jenenge Merpatiwati.

Minggu isuk aku merdayoh neng ngomahe neng ndeso Bobolan. Iyo, dewekne wong ndeso tapi ayune kutho.Lagek bae aku arep ngomong ‘kulonuwun’,ndadak mak bedunduk deweke njedul neng ngarep lawang.

“Wah, gawe aku njondil,bae,” celathuku..

“Oh, Harry.Ayo,yayak ndikik,” jarene karo ngongkon aku njungok ndikik neng korsi penjalin sing wis moblong-moblong.Maklum, anake wong mlarat arat-arat. Sak teruse aku jangongan ngalor ngidul ngetan bali ngulon.

Terus terang aku kasmaran lan kedanan banget karo dewekne.Soal  dewekne anake kere ra popo.Sing penting ayu kileng-kileng.

“Ono acara po ra?” takonku rodo ndredeg rodo wel-welan.Soale aku durung tau yhang yhangan utowo sir-siran.

“Ra ono ki.Arep ngejak mlaku-mlaku,to,” dewekne malah nantang. Akhire aku ngajak dewekne mbonceng neng sepedha onthelku nyang padusan Dander.

Mak byuuur…aku karo dewekne bluron rame-rame. Senenge ora ilok. Lha wong iku ‘cinta pertamaku’,je! Rasane endah banget dino iku. Mari bluron aku karo dewekne ganti klambi sing apik. Terus njupuk Kodak. Aku lan dewekne potrek-potrekan nganggo gaya sing isih ndesit banget.Lha piye, zaman semono awakku pancen isih ndesit banget.

We, lhadalah.Jebule aku nduwe saingan. Koncoko sak kelasku jenenge Bambang Klowor yo naksir dewekne.Yo ra popo. Saingan yo saingan ning sing waras-waras ae.Ojo urikan utowo srekalan. Tapi aku yakin menang lha wong Bambang Klowor rupane ronggot.Nggak mbejaji babar blas.Rai gedeg. Nek aku nggantheng koyo Leonardo DiCaprio.Ehem…ngalem awake dewe.

Liyo dino aku ketemu Bambang Klowor neng koplakan bis cedake nJethak.Pas dewekne arep lungo neng Kalitidu nunggang bis Robur. Terus ngomong-ngomong ndikik.

“Har,Kowe sir-siran karo Merpatiwati,yo?”

“Lho,iyo.Keno opo kon takon-takon ngono?” aku rodo nggumun ngrongokke omongane singp athing pecotot iku.

“Tak ndari,yo.Tapi Harry ojo purik.”

“Ngomongo”

“Tak ndari,neng ojo ngomong sopo-sopo. Merpatiwati iku wis ora perawan maneh.Wis jebol,Harry!,” ngono jarene.

“Tenan,to?”

“Sumpah! Ciker! Samber bledek,Har.Nanging kowe jo crito sopo-sopo,” mari ngucap ngono,dewekne langsung mlebu bis lan bise langsung budal ninggalno koplakan.

Aku thenguk-thenguk setengah ndlahom. Aku kok yo percoyo. Mulai dino iku aku ra nggubris Merpatiwati maneh. Sebel! Ayu-ayu kok wis jebol. Aku wis janji ninggalnod ewekne.Nggo opo nduwe sir-siran ayu tapi statuse wis bekakas.

“Harry,kok saiki ra tau dolan neng ngomahku,to?” takone wektu mulih sekolah.

“Wegah!”aku njawab rodo kesel. Bar-barane yo bubar tenan. Aku karo dewekne wis putung.Ra sir-siran maneh. Malahan, bar-barane aku malah gawok. Lha,kok dewekne nek ketemu aku langsung ngidu.Ono opo iki? Tapi aku ra takok.Gae opo.

Lha, sak sasi sak wise. Aku ndelok Merpatiwati runtang-runtung karo Bambang Klower.Nek mulih diterno nganggo sepeda onthel.Malah,nggoncenge mesra banget. Bar-barane aku ngerti nek sir-siranku dibajak karo Bambang Klowor.Wah,diamput banget cah sicok iki.

Mergo curigo, akhire aku nganakno penyelidikan.Takon konco-konco keno opo kok sikape Merpatiwati jijik ndelok aku. Lan keno opo kok dewekne ujug-ujug pacaran karo Bambang Klowor sing rupane ronggot kuwi.

Akhire rahasiane kebukak. Nyatane, Bambang Klowor mitnah aku. Carane,ngomong nek Merpatiwati wis ora perawan.Wis jebol mowol-mowol. Terus, dekne yo ngomong karo Merpatiwati nek aku cah lanang gak nggenah. Senengane karo cah wedok nakal alias lonte.

“Ooo,ngono to carane? That’s the way ahak ahak…” anggitku karo misuh-misuh.

Iku lho,pengalamanku naliko isih njungok neng SMP 2 Bojonegoro. Pengalaman sing ora uenak nanging ora iso tak lalekno.Gara-gara putung ati,sekolahku dadi mblangkrah.

“Bambang Klowor pancen matane picek!,” aku mung iso misuh bae.

Sumberfoto: http://duniamascha.wordpress.com

HariyantoImadha

Facebooker/Blogger

Semua komentar otomatis akan dihapus

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: